Milani mposhti Napolin në “San Paolo” me rezultatin 1-3, duke u rikthyer të rezultatet pozitive pas barazimit në shtëpi ndaj Veronës, falë një Zlatan Ibrahimovic të jashtëzakonshëm, që firmosi dygolëshin vendimtar që bëri të pavlerë golin e Mertens, para trisit të Hauge në kohën shtesë. Milan kërkonte të ruajë kreun e Serie A në transfertën me Napolin dhe i besoi misionin Zlatan Ibrahimovic. Pa Piolin në pankinë, suedezi ishte më shumë se i rëndësishëm për kuqezinjtë dhe 39 vjeçari nuk ngurroi të merrte përsipër përgjegjësitë.
Golin e vetëm për të besuarit e Gatuzos e realizoi Mertens në minutën e 63-të. Vendasit luajtën për afro 30 minuta me 10 lojtarë, pasi Bakayoko u ndëshkua me kartonin e dytë të verdhë në minutën e 65-të. Në sfidën e radhës kuqezinjtë do të presin Fiorentinës, ndërsa Napoli do të luajë përsëri në shtëpi ndaj Romës.
Milan është tashmë në krye të renditjes, i vetëm, por shqetësimi më i madh i kuqezinjve është kondicioni fizik i Ibras, që në fund të ndeshjes pësoi një dëmtim muskulor, për të cilin do të mësohet më shumë pas qartësimeve mjekësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
