Gazeta Si – Një ekzekutim perfekt, asnjë shans për portierin kundërshtar. Jasir Asani realizoi një nga golat më të bukur të eliminatoreve të fundit të Euro 2024 dhe UEFA nuk ka asnjë dyshim për këtë.
Goli me ‘telekomandë’ i sulmuesit anësor të Shqipërisë është përzgjedhur nga UEFA mes 4 golave që kandidojnë për më të bukurin e këtyre eliminatoreve. Asani rivalizon me Bernardo Silvën e Portugalisë, Elmas të Portugalisë dhe një nga lojtarët e Armenisë. Goli më i bukur zgjidhet nga votat e tifozëve në faqen zyrtare të UEFA-s.
Who gets your vote? ⚽️ 🥇#UNLGOTR | @AlipayPlus
— UEFA EURO 2024 (@EURO2024) June 17, 2023
Jasir Asani gjeti golin e parë me fanellën kuqezi në ndeshjen e dytë me Kombëtaren shqiptare si titullar. Ai është një nga gjetjet e trajnerit Silvinjo, pasi më parë nuk është marrë në konsideratë nga trajnerët e tjerë. Jo më kot vrapoi ta ndante gëzimin e golit me trajnerin brazilian.
Sulmuesi që luan në Kore zhbllokoi shifrat në fillim të pjesës së dytë, duke larguar presionin nga skuadra, që kërkonte fitoren me çdo kusht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
