Gola me peshë në kampionatet ku luajnë për dy lojtarët e Kombëtares, Myrto Uzunin dhe Endri Çekiçin. Që të dy kanë qenë vendimtarë, sepse kanë shënuar në kohën shtesë golin e fitores për skuadrat e tyre.
Ferencvaroshi ka marrë kryesimin në kampionatin hungarez, falë një goli të Myrto Uzunit në minutën e dytë shtesë të ndeshjes ndaj Honved. Beratasi goditi saktë në zonë dhe golin e fitores e festoi duke hequr fanellën, çka i kushtoi ndëshkimin me karton të verdhë.
GOL | Konyaspor 1-0 Antalyaspor
— Anlik goller (@Anlikgoller16) December 18, 2021
⚽️ 90+2' Endri Çekiçi
Maç Linki, anlık goller ve Önemli pozisyonlar için: @GoalHubTR pic.twitter.com/SGx5e6cPZP
Po kaq i rëndësishëm ishte edhe goli i Endri Çekiçit në Turqi. Futbollisti pogradecar, i futur në fushë në minutën e 80-të, shënoi në minutën e 3-të shtesë me një gjuajtje të bukur. Goli i tij i dha fitoren Koniasporit ndaj Antaliasporit. Edhe Çekiçi u ndëshkua me karton të verdhë pas festës së golit, pasi edhe ai hoqi fanellën. Titullar në këtë ndeshje ishte edhe sulmuesi tjetër kuqezi, Sokol Cikalleshi, i cili u ndërrua pas 70 minutash lojë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
