Fundi i ndeshjes Skënderbeu-Kastrioti, e mbyllur me fitoren 2-1 të ekipit korçar, ka servirur pamje të turpshme për ata që ndjekin futbollin shqiptar. Trajneri ekipit mik, Ramazan Ndreu, ka goditur me shkelm lojtarin e Skënderbeut, Leonit Vitija.
Pamjet e transmetuara nga “Supersport” tregojnë se si trajneri i krutanëve, sapo sinjalizohet përfundimi i ndeshjes, shkon i pashqetësuar në mesin e fushës dhe godet me shkelm Vitijën e Skënderbeut.
E turpshme që një trajner profesionist, që drejton në nivelin më të lartë të futbollit shqiptar dhe që njëkohësisht duhet të jetë edhe një mësues i mirë, të ushtrojë dhunë fizike ndaj një futbollisti. Ajo që bën përshtypje lidhet me faktin se sa indiferentë janë si forcat e sigurisë në stadium, ashtu edhe arbitrat e ndeshjes.
Me siguri rasti i trajnerit Ramazan Ndreu do të shihet nga Komisioni i Disiplinës në FSHF dhe dënimi duhet të jetë shembullor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
