Gazeta Si - Dy shqiptarë, Kreshnik Çerçizaj, 41 vjeç dhe Armando Organja, 44 vjeç u ekzekutuan mbrëmjen e të dielës në Athinë të Greqisë në një kafene në lagjen Nea Smyrni.
Çerçizaj mori dy plumba në kokë dhe vdiq në vend, ndërsa Armando Organja u godit me dy plumba, një në gjoks dhe një në bark. Edhe pse atij iu dha ndihmë mjekësore, nuk mundi të mbijetojë.
E plagosur la mbetur dhe një 31-vjeçare, e cila është jashtë rrezikut për jetën dhe që nuk kishte lidhje me viktimat.
Ngjarja e rëndë që ndodhi mbrëmjen e dielës në Greqi, duket se e ka zanafillën për një larje hesapesh.
Në zonë janë gjetur disa gëzhoja të kalibrit 9 mm, ndërsa mësohet se viktimat kanë pasur precedentë të mëparshëm penal.
Νέα Σμύρνη πριν. Μέσα σε κόσμο. Πάμε πολύ πολύ καλά #νεασμυρνη pic.twitter.com/NOWRMfC1wD
— island (@islandlayer13) December 18, 2022
Mediat greke kanë publikuar edhe pamjet e këtij atentati mafioz. Siç shihet në video, autori ishte i maskuar me maskë anti-Covid dhe kapuç të zi.
Ai u afrua në tavolinën ku ndodheshin personat në fjalë dhe hapi zjarr. Më pas u largua me shpejtësi.
Forca të shumta të policisë greke kanë nisur kërkimet për kapjen e autorit. Ngjarja dyshohet të ketë ndodhur për larje hesapesh.
Ngjarja ka ndodhur pak para orës 22:00, kur autori i maskuar hapi zjarr ndaj dy klientëve me origjinë shqiptare, ku ndodheshin jo pak persona, që sipas dëshmitarëve okularë vlerësohet të jetë më shumë se 100-150 persona rreth vendit të vrasjes – duke shkaktuar në panik.
Autoritetet vlerësojnë se objektivi kryesor ka qenë 41-vjeçari i vrarë në vend. Të dy viktimat janë të njohur për autoritetet greke. 41-vjeçari është me precedentë penalë për drogë, armë dhe grabitje. Ndërsa sa i përket shqiptarit tjetër, mediat shkruajnë se ai kishte angazhuar autoritetet për rastet e drogës.
Sipas të dhënave, ekzekutimi ka ndodhur brenda 4 sekondave. Sulmuesi ka qëlluar gjithsej 7 herë. Autori rezulton të jetë një profesionist, pasi mënyra se si e ka kryer ekzekutimin ka qenë e saktë dhe e shënjestruar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
