Gazeta Si – Sokol Cikalleshi shënon përsëri në Turqi. Sulmuesi i Kombëtares ka realizuar një gol të rëndësishëm për Koniasporin në barazimin 4-4 me Kasimpashanë. Kavajasi ishte ai që mbylli ‘festivalin’ e golave në këtë sfidë rokamboleske, duke realizuar me penallti golin që i dha një pikë skuadrës së tij.
Ishte një ndeshje krejtësisht e hapur, siç e tregojnë edhe 8 golat që u shënuan. Cikalleshi u fut në fushën e blertë në minutën e 81-të, ashtu si dhe lojtari tjetër i Kombëtares, Endri Çekiçi. Sulmuesi me përvojë ktheu në gol penalltinë e fitur në minutën e 100-të, pasi shtesa ishte e gjatë.
🇦🇱🇹🇷 | ⚽ Cikalleshi ha segnato su rigore per il @konyaspor.pic.twitter.com/UBnh2XlGCF
— Albanian Football (@AlbaniaFooty) February 18, 2022
Vetëm pak ditë më parë Cikalleshi shënoi një gol të bukur në kampionatin turk, me një gjysmëkthesë, ndërsa sot është ngjitur në kuotën e 7 golave. Lojtari i Kombëtares ka qenë gjithmonë protagonist me Koniasporin, që aktualisht mban vendin e dytë me 49 pikë, pas Trabzansporit kryesues me 60 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
