Armando Broja shënon sërish siç di ai. Sulmuesi i Kombëtares ka tundur rrjetën në ndeshjen Southempton-Brentford, ku ka shënuar golin e tretë për skuadrën e tij pas pak nisjes së pjesës së dytë.
Një tjetër gol fantastik ky për futbollistin kuqezi, i cili ka marrë një pasim pa kaluar vijën e mesit të fushës, ka lënë prapa mbrojtësit kundërshtarë dhe përballë portierit nuk ka falur. Deri në atë moment rezultati ishte 2-1 dhe goli i Brojës i ka dhënë qetësi Southemptonit.
Ishte goli i 5-të në kampionat dhe i pari për vitin 2022. Sulmuesi 20-vjeçar i Kombëtares po përjeton një moment magjik me fanellën e “shenjtorëve” dhe shpresojmë që këtë formë të ketë edhe në ndeshjet me fanellën kuqezi. Broja e nisi ndeshjen titullar dhe u zëvendësua 12 minuta para fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
