Një e shtunë e bukur për një pjesë të mirë të futbollistëve të Kombëtares, edhe pse jo të gjithë kanë fituar me skuadrat e tyre në kampionatet elitare europiane.
Armando Broja pati privilegjin të luante titullar ndaj Liverpulit në Premier Ligë, madje të luante një 90-minutësh të plotë ndaj gjigantëve anglezë. Southemptoni u mund thellë, 4-0, por gjithsesi ishte një përvojë e bukur për sulmuesin kuqezi, i cili iu afruar golit me një depërtim të shpejtë, ku u lirua nga mbrojtësit, por u ndal nga portieri Alison.
Emocione më të mëdha ka përjetuasr Berat Gjimshiti në Itali. Atalanta e tij fitoi 0-1 në fushën e Juventusit dhe mbrojtësi ynë dha pasimin e saktë për golin e Duvan Zapatës. Jo vetëm, kaq, por më pas Gjimshiti shmangu edhe një rast të pastër për golin e barazimit nga Juventusi. Ai ishte ndër më të mirët në fushë për Atalantën, që ka blinduar vendin e 4-t me 28 pikë.
Assist Berat Gjimshiti 🎯pic.twitter.com/5dIOTWZGpo
— Football Albanais (@FutbolliShqipFR) November 27, 2021
Po në Serinë A, Nedim Bajrami u aktivizua nga stoli për Empolin në fitoren 2-1 ndaj Fiorentinës. Ishte një ndeshje dramatike për Empolin, që përmbysi gjithçka në fund dhe Bajrami dha ndihëmn e tij me një asist për golin e dytë në këtë fitore të rëndësishme. Ismajli nuk luajti asnjë minutë sot.
Doublé pour Giacomo Vrionipic.twitter.com/Up0Z9UZ957
— Football Albanais (@FutbolliShqipFR) November 27, 2021
Në kampionatin austriak, Xhakomo Vrioni vazhdon të shijojë momentin e mirë që po kalon. Ai realizoi dy gola për Tirolin në fitoren 0-3 në fushën e Altahut. Të parin e shënoi me penallti, kurse golin tjetër pas një shkëputjeje të shpejtë, ku kaloi edhe portierin kundërshtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
