Gazeta Si – Që të të adhurojë Geri Nevill, duhet të kesh vërtet diçka speciale. Dhe Armando Broja është vërtet special. Sulmuesi i Southemptonit dhe Kombëtares shqiptare e ka treguar edhe sot, me një penallti të fituar dhe një gol për manual, duke qenë protagonist absolut në fitoren 3-1 ndaj Uest Hemit në ‘FA Cup’.
Some player #Broja #goal pic.twitter.com/Uyh16oEsvY
— Craig Goody (@CraigGoody1979) March 2, 2022
Broja u fut në fushë në fillim të pjesës së dytë, kur rezultati ishte 1-0, por Uest Hemi barazoi, duke e bërë të vështirë kualifikimin e Southemptonit. Për të zgjidhur gjithçka mendoi sulmuesi kuqezi. Broja fitoi penalltinë e golit të avantazhit, pasi fitoi me zgjuarsi një dyluftim shpejtësie me mbrojtësin kundërshtar.
Në kohën shtesë, sulmuesi i Kombëtares sonë ‘vulosi’ fitoren në 3-1 me një gol spektakolar, duke depërtuar me shpejtësi mes mbrojtësve të Uest Hemit dhe duke mposhtur portierin me një të djathtë precize.
Ishte thjesht një konfirmim i formës së jashtëzakonshme të Brojës, yllit kuqezi që gjithmonë e më tepër po bën për vete Anglinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
