Atalanta nuk shkëlqen vetëm në Serie A, por tashmë edhe në Ligën e Kampioneve. Italianët kanë shkatërruar Valencian me rezultatin 4-1, në ndeshjen e parë të 1/16-ve në Ligën e Kampionëve. Ajo që bie në sy është se skuadra bergamaske shënoi me tre futbollistë jo sulmues.
Ndeshja nisi mirë për të besuarit e Gasperinit, të cilët kaluan në avantazh që në minutën e 16’ me Hateboer. Goli i dytë u shënua nga Ilicic në fundin e fraksionit të parë të lojës. Ishte Freuler, që në minutën e 57’ shënoi të tretin për ekipin e tij, para se Hateboer të shënonte edhe të katërtin në 63’. Valencia u zgjua me Cheryshev, duke gjetur golin e 4-1 dhe duke mbajtur sadopak ndezur shpresën për ndeshjen e kthimit.
Në ndeshjen tjetër, RB Leipzig ka mposhtur Totenhamin brenda në shtëpi me rezultatin 1-0. Ishte një sfidë e dominuar nga gjermanët. Pjesa e parë u mbyll me rrjeta të paprekura, ku u desh një penallti e Timo Werner në pjesën e dytë që më në fund gjermanët të zhbllokonin rezultatin. Këtë avantazh ekipi gjerman e mbrojti deri në fund, duke i dhënë një goditje e rëndë shanseve finalistëve të vitit të kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
