Gazeta Si – Rreth 2.100 bimë kanabis sativa që ishin kultivuar në fshatin Mjedë janë asnjësuar në Shkodër nga policia, ku u arrestua një 28-vjeçar me iniciale S. Gj., banues në fshatin Gur i Zi, Shkodër.
I riu kishte marrë me qira një arë. Ai i kishte kultivuar bimët narkotike nëpër bimë misri me qëllim që t’i fshihte.
“Në këtë sipërfaqe toke u gjetën të kultivuara 2100 bimë narkotike cannabis sativa, të cilat u asgjësuan nëpërmjet djegies, përveç një pjese të vogël të tyre, e cila u sekuestrua në cilësinë e provës materiale”, njoftoi policia.
Policia tha se po vijojnë hetimet për identifikimin dhe kapjen e personave të tjerë që mund të jenë implikuar në këtë rast të paligjshëm
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
