Gazeta Si - Dy të rinj të ciliët akuzohet se kanë vjedhur 5 banesa në Vlorë janë vënë në pranga.
Arrestimi i tyre u bë falë operacionit policor të koduar "Neighbourhood".
Të dy shtetasit e arrestuar rezultojnë me precedent të mëparshëm kriminal në fushën e vjedhjes.
Të arrestuarit janë 35-vjeçari Ivi Baba dhe 32-vjeçari Marius Hamiti, të akuzuar për veprën penale, "Vjedhja", kryer në bashkëpunim.
Këta dy shtetas, në bashkëpunim me njëri-tjetrin, dyshohet se gjatë ditës së djeshme kanë vjedhur sende të ndryshme në 2 banesa, në lagjen “Osman Haxhiu.
Pas hetimeve të kryera, ka rezultuar se të rinjtë janë autorë të dyshuar edhe të 3 vjedhjeve të tjera në banesa, po në lagjen “Osman Haxhiu”, konkretisht:
1. Më datë 23.08.2022, në lagjen “Osman Haxhiu”, dyshohet se kanë vjedhur sende, në 2 banesa të ndryshme;
2. Më datë 24.08.2022, në lagjen “Osman Haxhiu", dyshohet se kanë tentuar të vjedhin në një banesë.
Vijon puna për dokumentimin e vjedhjeve të tjera, që mund të jenë kryer nga këta shtetas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.