Pavarësisht apelit të ekspertëve të Organizatës së Kombeve të Bashkuara (OKB) nga shkurti i këtij viti për të ndaluar eksportin e armëve në Izrael për shkak të krimeve në Gaza, Serbia në muajin mars ka eksportuar armë në vlerë prej 14 milionë euro në vendin e Lindjes së Mesme, sipas të dhënave të "Checkpoint.rs", e cila mbledh të dhënat nga institucionet zyrtare, raporton “Nova”.
Eksportimi i armëve gjatë muajit mars ishte dërgesa e tretë e Serbisë për Izraelin që nga sulmi i Hamasit në tetor të vitit 2023.
Kompania kryesore shtetërore e eksportit të armëve në Serbi, Jugoimport-SDPR, dërgoi dy dërgesa me vlerë totale prej më shumë se një milion euro më herët.
Qeveria serbe e ka shpallur sekret shtetëror “dërgimin e armëve në Izrael”. koha.net
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.