Gazeta Si – Nedim Bajrami ishte i vetmi lojtar i Kombëtares që e nisi titullar ndeshjen e kësaj jave në Serinë A. Të tjerët u aktivizuan nga stoli. Empoli u mund 0-2 nga Atalanta e Berat Gjimshitit, i cili u fut në fushë pak pas nisjes së pjesës së dytë.
Edhe mbrojtësi tjetër kuqezi, Adrian Ismajli, luajti në pjesën e dytë të sfidës mes shqiptarëve. Ai vjen nga një dëmtim, ashtu sikurse Gjimshiti. Të dy nuk janë në gjendjen optimale, ndaj dhe nuk po luajnë titullarë për momentin.
Elseid Hysaj u fut në fushë në fundin e ndeshjes me Salernitanën. Lacio pësoi një humbje të papritur në fushën e vet, 1-3 me përmbysje. Edhe Kristjan Asllani mori vetëm pak minuta me Interin një ditë më parë.
Nuk është një momenti mirë për shqiptarët e Serisë A, po të kemi parasysh faktin se edhe Marash Kumbulla qëndron në stol te Roma.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
