.png)
Nga Gazeta Si- 26 për qind e fëmijëve nga 6 deri në 23 muajsh nuk konsumojnë fare fruta dhe perime në Shqipëri ndërkohë që vetëm 37 për qind e fëmijëve 0-5 muajsh ushqehen me gji. Kjo shifër ka mbetur e pa ndryshuar që prej vitit 2005.
Në raportin e fundit të UNICEF del në pah se Shqipëria nuk ka bërë asnjë progres në objektivat për 2030 për ushqyerjen me gji.
Në rang botëror mesatarja globale e ushqyerjes ekskluzivisht me gji për foshnjat deri 5 muajsh është 48% dhe 35% është niveli mesatar në Europën Lindore dhe në Azinë Qendrore.
Në krahasim me vendet ballkanike, Shqipëria është një ndër vendet e para me nivelin më të lartë.
Ndërkohë që për Greqinë dhe Kosovën nuk ka të dhëna, në Serbi niveli i gji dhënies arrin në 24 për qind, në Maqedoninë e Veriut rezulton 28 për qind dhe në Malin e Zi 20 për qind.
Gjithashtu për ushqyerjen me gji të fëmijëve të grupmoshës nga 12 deri 23 muaj, rezulton se në Shqipëri vetëm 43 për qind e tyre vazhdojnë të ushqehen me gji, më pak sesa mesatarja globale që është 63%.
Përpos mungesës së konsumimit të frutave dhe perimeve, 27 për qind e fëmijëve nga 6 muajsh deri në 23 muajsh marrin një dietë minimale të pranueshme
Pozitive është fakti se 89% e foshnjave fillojnë ushqimin me ushqime të ngurta në kohën e duhur dhe 69% konsumojnë mish apo vezë, por diversiteti ushqimor mbeten sfidë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
