.png)
Nga Gazeta Si – Provat zyrtare në Monza përfunduan me triumfin e Red Bull dhe Max Verstappen mbi binomin e McLaren, Lando Norris dhe Oscar Piastri në “pole position”.
Holandezi i Red Bull, Max Verstappen realizoi xhiron më të shpejtë në historinë e F1 për të vendosur “pole position” në “Italian Grand Prix”, përpara rivalëve të McLaren, Lando Norris dhe Oscar Piastri.
Pas asaj çka ndodhi një sezon më parë në “Tempullin e Shpejtësisë”, Verstappen dhe Red Bull ishin më kompetitivë sot, duke thyer për një mesditë të vetme supremacinë e McLaren.
Verstappen vendosi kohën e parë të shpejtë në sesionin e tretë që u thye nga Norris, por luftoi deri në fund duke e ndalur kronometrin në 1’ 18”792 për vendin e parë me një diferencë prej 0.077”.
Shpejtësia e holandezit ishte 264.682 km/h. Piastri erdhi pas 0.190” në vendin e tretë, i ndjekur nga rivalët e Ferrari-t, Charles Leclerc dhe Lewis Hamilton.
Mirëpo 7 herë Kampioni i Botës do të niset 5 vende më poshtë pas penalitetit që mori në garën e fundit.
Mercedes përdori një strategji të ndryshme dhe George Russell u rendit në vendin e 6 përpara vendasit Kimi Antonelli.
Gabriel Bortoleto ishte një nga yjet e së shtunës duke e vendosur Kick Sauber në rradhën e 4 të nisjes.
Një trajektore pozitive nën drejtimin e Jonathan Wheatleyt.
Fernando Alonso (Aston Martin) dhe Yuki Tsunoda (Red Bull) kompletuan “top 10”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
