.png)
Kampioni i Botës në fuqi, Max Verstappen arriti fitoren e parë të 2025 me një paraqitje mjeshtërore në “Japanese Grand Prix”. Ai la pas binomin e McLaren, Lando Norris dhe Oscar Piastri-n për triumfin e 4 rradhazi në cirkuitin e Suzuka-s. Pas startit të fortë nga pole position, Verstappen ruajti kryesimin në xhirot e para deri në hyrjen në bokse. Dalja prej tyre ishte një dramë më vetë kur holandezi disi i ngadaltë detyroi Norris të spostohej mbi bar ndërsa Verstappen qëndroi në krye.
Beteja vazhdoi deri në 10 xhirot e fundit kur Piastri iu afrua Norris i cili rriti shpejtësinë por jo mjaftueshëm për të kapur Verstappen që siguroi fitoren e 64 në karrierë. Vendi i 2 që u pretendua nga australiani shkoi për Norris dhe Piastri në vendin e 3 në ditëlindjen e 24. Charles Leclerc dhe Ferrari ndjekin podiumin përpara binomit të Mercedes, George Russell-Kimi Antonelli. Italiani madje kryesoi për disa kilometra në fazën e pit stop. Lewis Hamilton shtoi një vend të 7 për Scuderia-n përpara debutuesit Isack Hadjar që mori pikët e para të sezonit për Racing Bulls. Alex Albon dhe Williams lanë pas Haas të Ollie Bearman që mori pikën e fundit në vendin e 10.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
