.png)
Gazeta Si – Zot në shtëpinë e tij, ashtu si dhe dy vitet e fundit. Maks Vershtapen nuk mund të gabonte në Çmimin e Madh të Holandës, përpara mijëra fansave portokalli. Kampioni në fuqi kaloi i pari finishin në një garë që zgjati dy orë e gjysmë për shkak të ndërprerjes nga shiu i fortë.
MAX VERSTAPPEN WINS THE DUTCH GRAND PRIX 🏆
— Formula 1 (@F1) August 27, 2023
The Red Bull driver takes his ninth win in a row to equal Sebastian Vettel’s record for most consecutive wins 💪#DutchGP #F1 pic.twitter.com/lCJHFA0kCS
Ishte fitorja e 9-të në seri për pilotin e Red Bull-it, që ka barazuar kështu rekordin e gjermanit Sebastian Fetel për sa u takon fitoreve radhazi.
Në vend të dytë të garës së 13-të të Botërorit 2023, e para pas rikthimit nga pushimet, ka dalë eksperti Fernando Alonso me Aston Martin, ndërkohë që podi është plotësuar me Pierr Galsin të Alpine. Sharl Leklerk u tërhoq, kurse piloti tjetër i Ferrarit, Karlos Sainz, zuri vendin e 5-të, për shkak edhe të një penaliteti për kalimin e shpejtësisë në bokse.
Për Leklerk ishte një garë makthi, fillimisht pas një kontakti me Piastrin dhe më pas me një pit stop që linte për të dëshiruar dhe që i kushtoi francezit disa sekonda. Ljuis Hemilton u rendit në vendin e 6-të. Kanë plotësuar 10-shen e parë Norris, Albon, Piastri dhe Okon.
The top 10 in Zandvoort 👀#DutchGP #F1 pic.twitter.com/JONuDeiYJG
— Formula 1 (@F1) August 27, 2023
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
