Gazeta Si – Kampioni i botës, Maks Vershtapen, ka arriur në Austin një nga fitoret më të vështira të sezonit. Ai parakaloi Ljuis Hemiltonin 5 xhiro para fundit dhe fitoi garën. Në vend të tretë doli Sharl Leklerk, i cili u nis nga rreshti i 6-të në klasifikim.
An incredible achievement 💪#USGP @Max33Verstappen pic.twitter.com/4bQWZQl4Rw
— Formula 1 (@F1) October 23, 2022
Zgjati vetëm një xhiro gara e Karlos Sainz, pasi makina e tij u godit nga Xhorxh Rasëll dhe u detyrua të kthehej në bokse, për ta braktisur pastaj përfundimisht pistën. Vendi i 5-të për Serxhio Perez, që la pas Rasëll, Norris dhe Fernando Alonso, protagonist i një incidenti në mes të garës me Stroll.
Ishte një fitore rekord për Vershtapen, e 13-ta në një vit, që do të thotë se holandezi barazon kështu Shumakerin dhe Fetelin. Po ashtu, me vendin e 4-t të Perez, Red Bull-i ka fituar edhe Botërorin e kontruktorëve.
Party time 🥳
— Formula 1 (@F1) October 24, 2022
What a season @redbullracing are having! 🙌#F1 pic.twitter.com/ZYSWw3nC8Q
Për skuadrën austriake ky është titulli 5-të, që vjen pas një fundjave të komplikuar me çështjen e ‘Budget Cap’ dhe “tratativat” komplekse me FIA-n.
Pastaj edhe ndarja nga jeta e Dietrich Mateschitz, themeluesit të skuadrës Red Bull, që natyrisht Vershtapen i dedikoi një nga fitoret më të vështira dhe më të bukura të sezonit, e karakterizuar nga sfida me Hemilton. Ferrari la Austin me vendin e tretë ngushëllues.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
