Gazeta Si – Kampioni Maks Vershtapen ka ‘ngrirë’ sërish Imolan. Holandezi i Red Bull-it ka fituar garën Sprint, duke parakaluar një xhiro para fundit Ferrarin e Sharl Leklerk, që kishte kaluar në delir publikun italian.
Vershtapen do të niset i pari në garën e së dielës, pas tij Leklerk, i cili do të riprovojë në garën që vlen më shumë. Vendi i tretë i takon Serxhio Perezit me Red Bull-in tjetër, kurse në vend të katërt ka dalë Karlos Sainz, i cili rikuperoi nga vendi i 10-të.
Our starting grid for the Grand Prix is set! 🔥
— Formula 1 (@F1) April 23, 2022
Who will you be cheering on? 🙌#ImolaGP #F1 pic.twitter.com/xAh0KI5fDJ
Në rreshtin e tretë makinat MekLaren të Lando Norris dhe Daniel Riçardo, pastaj Valteri Botas dhe Kevin Magnusen. Mbeten anonime sërish dy makinat Mercedes, me Xhorxh Rasëll në vend të 11-të dhe Ljuis Hemilton në vend të 14-të.
Nisja ishte mjaft emocionuese, Leklerk u shkëput menjëherë dhe Vershtapen nuk mundi të bënte asgjë. Por menjëherë u fut në pistë Safety Car, sepse duhej hequr Alfa Romeo e Guanyu Zhou, që u prek nga prapa nga AlphaTauri i Pierr Gaslit. Më pas francezi tentoi shkëputjen në krye, ndërsa fundi ishte nën shenjën e Red Bull-it.
That winning moment! 😍
— Formula 1 (@F1) April 23, 2022
Max left no stone unturned in his quest for victory against championship leader Charles Leclerc! 🔥#ImolaGP #F1 pic.twitter.com/lJhc1xSQFc
Vershtapen iu afrua ‘presë’ së tij dhe një xhiro para fundit e parakaloi Leklerkun. Holandezi ka fituar 8 pikë pas kësaj gare, ndërsa dueli me francezin do të vazhdojë të dielën, ku priten të tjera emocione.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
