.png)
Gazeta Si – Maks Vershtapen nuk e njeh shumë diplomacinë, ai gjithmonë e thotë hapur atë që mendon, si në rastin e fundit për garën e Las Vegasit.
“Aspekti sportiv përfaqëson vetëm 1%, show 99%. E kuptoj rëndësinë e aspektit që lidhet me biznesin, por nuk mund ta fsheh pikëpamjen time në lidhje me atë që më intereson më shumë: gara dhe performanca”.
Fundjava e Formulës 1 në Las Vegas është ndezur nga këto fjalë të kampionit të trefishtë të botës, Maks Vershtapen. Holandezi e ka kritikuar haptazi zgjedhjen për të garuar në qytetin amerikan.
“Këto makina kaq të rënda nuk janë bërë për të garuar në cirkuitë qyteti, – shton piloti holandez i Red Bull-it, – por në pista me kthesa të shpejta me rreze të gjerë. Pista e Las Vegasit nuk është e tillë. Në përgjithësi ky event nuk më tërheq aspak”.
Vershtapen ka kritikuar ashpër edhe 30 minutat e ceremonisë së prezantimit me publikun: “Të qëndroja aty në këmbë u ndjeva si një palaço. Për efekt të ndryshimit të orës, janë 12 orë, jetojmë me një orar japonez, por në Las Vegas. Pra, në një ditë tjetër, është shumë e lodhshme dhe nuk e kuptoj pse. Dhe ta bësh këtë në fund të sezonit nuk ka fare sens”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
