.png)
Gazeta Si – Maks Vershtapen ka triumfuar edhe në Çmimin e Madh të Las Vegasit, në garën e parafundit të Botërorit. Në cirkuitin e shpejtë amerikan, holandezi u nis me një ndëshkim, pas ‘shtyrjes’ jashtë piste të Leklerk. Megjithatë, pas penalitetit prej 5 sekondash dhe problemeve të tjera, ia doli të parakalonte francezin dhe Perez, të cilët e ndjekin në pod.
Kontakte, penalitete dhe parakalime deri në xhiron e fundit. Një sintezë perfekte për garën e Las Vegasit, me finalen e zakonshme për shkallën më të lartë të podit, por me një Ferrari që luftoi deri në fund. Si zakonisht, festa shkon për kampionin Maks Vershtapen.
Red Bull-i synoi goditjen e dyfishtë me Perez, por festa e meksikanit u prish nga Leklerk. Në nisje Vershtapen mbylli trajektoren, duke e detyruar Leklerk të dilte nga pista. Për këtë kampioni në fuqi u penalizua me 5 sekonda, ndërsa francezi shtrëngoi dhëmbët dhe luftoi fort ndaj një Red Bull-i potent.
📻 "VIVAAA LAS VEGAS!" @Max33Verstappen takes his 18th win of the season, in true Vegas-style 🏆😂#LasVegasGP #F1 @redbullracing pic.twitter.com/EQYbCCkBmL
— Formula 1 (@F1) November 19, 2023
Dhe pikërisht në kthesën e fundit Sharl Leklerk shtangu Perezin me një parakalim super, duke i rrëmbyer vendin e dytë. Në vend të 4-t ka dalë Alpine me Okon, pastaj Aston Martin me Stroll dhe Ferrari me Sainz. Në 10-shen e parë edhe Hemilton, që kaloi finishin para Rasëll, Alonso dhe Piastri.
LAS VEGAS TOP 10 📊
— Formula 1 (@F1) November 19, 2023
Your points-scorers ✨#LasVegasGP #F1 pic.twitter.com/VBy9eOmK5f
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
