Ljuis Hemilton zbret nga froni, Maks Vershtapen shpallet kampion bote i Formula 1 për herë të parë! Piloti holandez i Red Bull-it ka fituar në garën e fundit të Botërorit, në Abu Dhabi, duke i rrëmbyer titullin Hemiltonit. Në këtë garë rivalët vinin me pikë të barabarta, nga 369.5 secili.
Një parakalim i pabesueshëm në xhiron e fundit i dhuroi titullin pilotit 24-vjeçar të Red Bull-it, që e nisi garën nga vendi i parë, por u parakalua që në fillim nga Hemilton. Kampioni në fuqi i botës e ruajti kryesimin deri afër fundit, por finishin e kaloi i pari Vershtapen.
Për një moment u duk se Hemilton do të fitonte titullin e tetë kampion bote. Ai e dominoi garën që në momentin e parakalimit të rivalit, por situata u përmbys pak xhiro para fundit, pas përplasjes së Nikolas Latifit dhe futjes së “Safety car”.
MAX VERSTAPPEN. WORLD CHAMPION!!!
— Formula 1 (@F1) December 12, 2021
A stunning season by an extraordinary talent#HistoryMade #F1 @Max33Verstappen pic.twitter.com/FxT9W69xJe
Në xhiron e fundit Maks Vershtapen bëri atë parakalim të jashtëzakonshëm, duke e përfunduar i pari garën në Yas Marina dhe duke i rrëmbyer titullin nga duart Hemiltonit. Festë e jashtëzakonshme në skuderinë Red Bull, ndërsa holandezi shpërtheu në lot gëzimi pa hequr ende kaskën.
TOP 10 FINISHERS: ABU DHABI 👀
— Formula 1 (@F1) December 12, 2021
A hugely dramatic final race of 2021 😮
And it finishes with @Max33Verstappen as world champion! 🏆#AbuDhabiGP 🇦🇪 #F1 pic.twitter.com/NZB0rqzkAQ
Holandezi më pas vazhdoi të qante te gomat e makinës së tij, ku nuk do të mungonte përqafimi i babait Jos dhe mekanikëve të skuderisë së tij. Ljuis Hemilton qëndroi për disa minuta në makinën e tij dhe më pas i dha dorën Hornerit, njërit prej drejtuesve kryesorë të Red Bull-it. Pastaj edhe rivalit Vershtapen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
