Gazeta Si – Gara e Moncës ka përfunduar me fitoren e Maks Vershtapen, por nuk kanë munguar polemikat dhe vërshëllimat nga publiku. Kjo garë u mbyll me ‘Safety car’ në pistë tri xhiro para flamurit me kuadrate. Titulli gjithmonë e më pranë për holandezin.
Edhe gara e 16-të e Botërorit shkon për kampionin e botës. Vershtapen ka fituar “në paserelë” Çmimin e Madh të Italisë, që përfundoi i kushtëzuar nga ‘Safety Car’, i futur në pistë pasi MekLareni i Riçardos u ndal 4 xhiro para fundit.
A fifth straight win for Max Verstappen 🏆🏆🏆🏆🏆#ItalianGP #F1 pic.twitter.com/AYpykOMnUR
— Formula 1 (@F1) September 11, 2022
Një administrim i ngadaltë dhe konfuz nga ana e drejtimit të garës nuk lejoi Sharl Leklerk, i cili ndiqte nga pas holandezin, të luante gjithçka për gjithçka në sprintin final të garës. Një situatë që u shoqërua me vërshëllima nga tifozët e Ferrarit në Monca.
Podi është kompletuar nga Xhorxh Rasëll i Mercedesit. Karlos Sainz ka zënë vendin e 4-t, ndërsa pas tij janë renditur Ljuis Hemilton dhe Serxhio Perez.
The points scorers at Monza 👀
— Formula 1 (@F1) September 11, 2022
👏👏👏 @nyckdevries #ItalianGP #F1 pic.twitter.com/b32FO4rNF8
Një paraqitje brilante bëri De Vries me Uilliams. Piloti që zëvendësoi Albon zuri vendin e 9-të në Monca dhe kjo është një arritje për të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
