Vershtapen dominon garën kaotike të Australisë, në pod Hemilton dhe Alonso

09:09 - 02 Prill 2023

Gazeta Si – Kampioni në fuqi i botës ka fituar garën e Melburnit, duke kaluar finishin para Ljuis Hemiltonit dhe Fernando Alonsos. Holandezi shkëputet dhe shkon +15 pikë nga Red Bull-i tjetër i Serxhio Perez. Garë makthi për Ferrarin, me Leklerk jashtë që në xhiron e parë dhe Sainz të penalizuar.

LAP 57/58

AND WE'RE OFF DOWN UNDER!!!!!! 🟢

IT'S ABSOLUTE CHAOS #AusGP #F1 pic.twitter.com/RUwT8MBYUh
— Formula 1 (@F1) April 2, 2023

Maks Vershtapen ka triumfuar në Çmimin e Madh të Australisë, duke regjistruar fitoren e dytë sezonale në Botërorin e 2023-shit. Ai ka filluar shkëputejn tashmë në krye të klasifikimit. Në pod edhe Mercedesi me Hemilton dhe Aston Martin me Alonson.

Ishte një garë e karakterizuar nga tre flamuj të kuq dhe nga një finale e çmendur e kaotike. U mbyll pas ‘Safety Car’ dhe me Ferrarin e Sainz që mori një penalitet prej 5 sekondash për shkak të një kontakti me Alonson në momentin e nisjes së tretë.

🏁 RACE CLASSIFICATION 🏁

That. was. pure. madness. 😅#AusGP #F1 pic.twitter.com/3wFSxAQvOw
— Formula 1 (@F1) April 2, 2023

Piloti spanjoll, që ishte i katërti, rrëshqiti në vend të 12-të. Por katastrofa e Ferrarit kishte nisur që në xhiron e parë të garës. Vazhdon mallkimi për Leklerk, edhe këtë herë jashtë gare, ashtu si në Bahrejn.

Botërori 2023 ka nisur në mënyrën më të keqe për pilotin francez, e cili e mbylli garën e Melburnit në kthesën e tretë. Një rrotullim pas një tentative parakalimi dhe një kontakti me Lens Stroll dhe Ferrari i tij ngeci në zhavorr.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.