.png)
Gazeta Si - Maks Vershtapen sërish nga ‘pole position’ te flamuri me kuadrate. Tri herë kampioni i botës ka fituar edhe Çmimin e Madh të Brazilit (fitorja e 17-të sezonale), duke dalë para Lando Norris dhe një Fernando Alonso të jashtëzakonshëm, që ka çuar në pod Aston Martin.
Spanjolli e kaloi finishin 53 të mijëtat para Serxhio Perez, në fund të një dueli që u ndez me parakalimin e meksikanit dhe më pas kundërparakalimin e Alonsos respektivisht në xhiron e parafundit dhe atë të fundit. Piloti i Aston Martin ngjitet në pod për herë të 8-të këtë vit dhe pas më shumë se dy muajsh nga hera e fundit.
Lens Stroll bëri një garë të mirë dhe zuri vendin e 5-të me Aston Martin tjetër, kurse Karlos Sainz u rendit i 6-ti me Ferrarin e vetëm në garë, pas asaj daljeje katastrofike nga skena të Leklerk në xhiron e formatimit.
The official photo finish image 📸
— Formula 1 (@F1) November 5, 2023
Just 0.053s separated Alonso and Perez 😮#F1 #BrazilGP pic.twitter.com/S6WZjswb48
Gara u ndërpre që në fillim pas incidentit në kthesën e parë pas semaforit të Aleksander Albon dhe Kevin Magnusen. Një garë për t’u harruar edhe për Mercedesin, pasi Xhorxh Rasëll u detyrua të tërhiqej, kurse Ljuis Hemilton nuk shkoi më shumë se vendi i 8-të, pas Pierr Gaslit. Pavarësisht daljes së Leklerk, Ferrari fiton ndonjë pikë ndaj Mercedesit në garën për vendin e dytë të konstruktorëve.
The points scorers in Sao Paulo 👀#F1 #BrazilGP pic.twitter.com/7Kd1vbrBrz
— Formula 1 (@F1) November 5, 2023
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
