Gazeta Si – Pas fitores së 7-të sezonale, Makz Vershtapen ka 63 pikë avantazh ndaj rivalit Shar Leklerk. Një diferencë e konsiderueshme, që e bën edhe më komod pozicionin e kampionit të botës.
Holandezi duket edhe më i sigurt në rrugëtimin drejt titullit të dytë radhazi kampion bote. Vershtapen është i ndërgjegjshëm për këtë situatë. Ai është në kulmin e pjekurisë tashmë.
A reminder of your standings after race 12/22… 📊@Max33Verstappen and @redbullracing are well out in front#FrenchGP #F1 pic.twitter.com/tlXnKLMMiJ
— Formula 1 (@F1) July 25, 2022
U tregua i pamëshirshëm për ta vënë nën presion Leklerk gjatë 18 xhirove që francezi qëndroi në pistë në garën e fundit. “Kishim një ritëm të mirë që në fillim. E vendosa nën presion Sharlin, me këto temperatura gomat nxehen shumë. Provova ta parakaloja në kthesën 11, por nuk ia dola. Pastaj vendosëm të hyja para kohe në bokse”, – tha Vershtapen.
Holandezi u njoftua në radio për përplasjen e francezit. “Ishte fat i keq për të. Ishte e pamundur të bëhej një tjetër ndalesë, sepse korsia për në bokse është shumë e gjatë”, – ka shtuar piloti i RED Bull-it.
Më tej Vershtapen nuk i ka dhënë shumë rëndësi faktit se Botërori është në duart e tij: “Unë përpiqem të arrij maksimumin. Ndonjëherë duhet të kuptosh se nuk mund të sulmosh me të gjitha mundësitë. Ndoshta është më mirë të presësh fundin e garës”.
Maks Vershtapen është pjekur. Të jesh kampion bote ta jep këtë shans, të jep besimin e duhur. Ndaj dhe ai është i pakapshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
