Gazeta Si – Është mbrëmja e verdikteve në Champions. Pas ndeshjeve të sotme do të plotësohet 16-shja e skuadrave që kalojnë grupin, si dhe do të përcaktohen ato që shkojnë në Ligën e Europës. Milani është plotësisht në garë për vendin e dytë, kurse Juventusi duhet të mbajë vendin e tretë për Ligën e Europës.
Skuadra e Piolit do të ndeshet me Salcburgun dhe i mjafton një barazim për të kaluar më tej. ‘San Siro’ është përgatitur për një mbrëmje tensioni dhe shprese. Në fakt, kuqezinjtë e kanë në dorë fatin e tyre dhe besimi është i madh për t’u kualifikuar.
Milani e kërkon me ngulm këtë gjë, për rritjen e tij, eksperiencë dhe për të mbushur arkat. Pioli shpreson që Leao të bëjë Leaon e vërtetë. Në sulm do të jetë Zhiru, në qendër të mesfushës dyshja Tonali-Benaser, kurse në mbrojtje Kjaer do të luajë në krah të Tomorit.
Juventusi pret në Torino PSG-në dhe mjaft të bëjë sa ose më mirë se Makabi për të mbajtur vendin e tretë, që e çon në Ligën e Europës. Është një detyrim për skuadrën e Alegrit, është objektivi minimal për këtë sezon.
Lista e mungesave është e gjatë dhe në sulm do të luajnë Kean dhe Milik, në mesfushë ka vend për Miretin dhe në mbrojtje për Gatin. Kundërshtari nuk është aspak komod.
Champions, ndeshjet e fundit në grup
Sot, ora 18:45
Real Madrid-Selltik
Shakhtar Donetsk-Lajpcig
Ora 21:00
Milan-Salcburg
Çelsi-D.Zagreb
Kopenhagen-B.Dortmund
Juventus-PSG
Makabi Haifa-Benfika
Mançester Siti-Sevilja
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
