.png)
Uji në kanalet e famshme të Venecias të dielën mori ngjyrë jeshile fluoreshente, duke tërhequr edhe vëmendjen e autoriteteve vendas, jo vetëm të banorëve dhe turistëve.
Autoritetet vendase kanë marrë mostra të ujit me ngjyrën e çuditshme dhe kanë kryer menjëherë analizat. Teoritë për këtë fenomen kanë qenë menjëherë të shumta ku kryeson lëshimi i bojës nga ndonjë protestë e aktivistëve në mbrojtje të mjedisit.
Mediat italiane kanë raportuar se policia ka kontrolluar kamerat e sigurisë për të parë nëse dikush mund të ketë hedhur bojë.
Shumë përdorues të mediave sociale thanë se imazhet që u publikuan nga Venecia të kujtonin vitin e largët 1968, atëherë kur artisti argjentinas, Nicolás García Uriburu, ngjyrosi ujërat e Kanalit të Madh në të gjelbër për të rritur ndërgjegjësimin për çështjet ekologjike.
Shkak për ngjyrën jeshile fosforeshente në Kanalin e Madh të Venecias mund të ketë qenë një gjurmues. Paraprakisht besohet se bëhet fjalë për një gjurmues me ngjyrë, nga ata që përdoren për të zbuluar rrjedhat e ujit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
