.png)
Nga Gazeta ‘Si’- Pas takimit ditën e djeshme(31 janar) me përfaqësuesit e Quint-it dhe BE-së, presidenti i Serbisë Aleksander Vuçiç pritet të takojë sot zyrtarë të lartë të administratës së presidentit amerikan Joe Biden.
Mësohet se qëllimi i bisedës do të jetë vendimi i autoriteteve në Prishtinë për aktivizimin e dekretit për heqjen e dinarit serb nga qarkullimi në Kosovë, vendim që hyn në fuqi nga dita e sotme.
Mediat në Serbi shkruajnë se pas këtij aktiviteti intensiv diplomatik, pritet që Vuçiç t’i drejtohet publikut në orët e ardhshme ku do informojë qytetarët për detajet më të rëndësishme të kësaj serie bisedimesh.
Më 29 janar, Vuçiç gjatë një takimi në Beograd me të dërguarin e BE-së për dialogun Kosovë-Serbi, Mirosllav Lajçak, kërkoi anulimin e vendimit të BQK-së.
Lista Serbe – partia kryesore e serbëve në Kosovë, që gëzon mbështetjen e Serbisë – ka thënë se vendimi i BQK-së rrezikon mbijetesën e serbëve në Kosovë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
