.png)
Një anëtar i ekipit hetimor të Organizatës Botërore të Shëndetësisë thotë se fermat e kafshëve të egra në jug të Kinës janë burimi më i mundshëm i pandemisë së Covid-19.
“Kina mbylli fermat në shkurt të vitit 2020,” thotë Peter Daszak, një ekolog sëmundjesh me Aleancën EcoHealth dhe një anëtar i delegacionit të OBSH-së që udhëtoi në Kinë këtë vit.
Daszak shton se gjatë këtij udhëtimi, ekipi i OBSH-së gjeti prova të reja se këto ferma të kafshëve të egra po furnizonin me kafshë shitësit në Tregun me Shumicë të Ushqimeve të Detit Huanan në Wuhan. Daszak shpjegoi se përgjigja e qeverisë ishte një sinjal i fortë që qeveria kineze mendoi se ato ferma ishin rruga më e mirë e mundshme për t’u shpërndarë një koronavirus. Fermat e kafshëve të egra, përfshirë ato në rajonin e Yunnan, janë pjesë e një projekti unik që qeveria kineze ka promovuar për 20 vjet.
Agjencia pritet t’i bëjë publike gjetjet hetimore të ekipit në dy javët e ardhshme.
“Kina promovoi bujqësinë e jetës së egër si një mënyrë për të lehtësuar popullsinë rurale nga varfëria. Fermat ndihmuan qeverinë të përmbushin qëllimet e ndarjes së zonave rurale nga ato urbane në lidhje me konsumin. Në vitin 2016, ata kishin 14 milion njerëz të punësuar në fermat e botës së egër dhe kjo industri vlente rreth 70 miliardë dollarë,” thotë Daszak.
Pastaj më 24 shkurt 2020, pikërisht kur pandemia në Wuhan po mbaronte, qeveria kineze bëri një raport të plotë rreth fermave.
Pse do ta bënte qeveria këtë?
Daszak mendon se këto ferma mund të jenë vendi i përhapjes së koronavirusit të ri.
“Unë mendoj se SARS-CoV-2 nisi për herë të parë në Kinën e Jugut,” shtoi ai.
Eksperti shpjegon më tej se duhet të zbulohet specifikisht se cila kafshë mbart virusin dhe në cilën prej fermave të botës së egër. Më herët është raportuar se ekipi i Organizatës Botërore të Shëndetësisë që u përcaktua për të vizituar Wuhan-nin për hetimin e origjinës së pandemisë, përjashtoi teorinë që virusi ka dalë nga një laborator në Kinë. Në një konferencë të gjatë për shtyp përfaqësuesit e misionit të përbashkët hetues të OBSH / Kinë dhanë një përmbledhje të gjetjeve gjatë dy javëve në terren. Ata thanë se puna e ekipit nuk e ndryshoi në mënyrë dramatike imazhin që kishin para se të fillonin, por kishin shtuar detaje të rëndësishme. Ekipi nuk gjeti prova të qarkullimit të përhapjes së virusit në Wuhan para dhjetorit të vitit 2019 dhe tha se ishte ende e paqartë se si hyri në tregun e prodhimeve të detit Huanan, ku virusi u zbulua fillimisht. Por, ata shtuan se “e gjithë puna që është bërë në lidhje me virusin dhe duke u përpjekur për të identifikuar origjinën e tij vazhdon t’i drejtojë nga rezervuari natyror.
Komisionin Kombëtar të Shëndetit të Kinës, tha se viruset e identifikuara në këto specie ishin “mjaft të ngjashme për t’u identifikuar si pasardhës i SARS-CoV-2. Ekspertët, Peter Ben Embarek dhe Lian Wannian, pjesë e komisionit thanë se testimi i dhjetëra mijëra mostrave mjekësore dhe farmaceutike, kishin vendosur që “konsiderohej e pamundur që ndonjë transmetim i konsiderueshëm të ndodhte në Wuhan, gjatë dy muajve nga tetori në dhjetor dhe theksoi mundësinë e transmetimit përmes ushqimit të ngrirë e cila ishte shitur në tregun e Wuhan”.
Embarek më vonë shtoi se tregu merrej me ushqime të ngrira “por kishte edhe shitës që shesin produkte si kafshë të egra që ishin rritur në ferma.
“Ne e dimë që virusi mund të vazhdojë dhe të mbijetojë në kushte që gjenden në këto mjedise të ftohta dhe të ngrira. Por ne nuk e kuptojmë vërtet nëse virusi mund të transmetojë më pas te njerëzit dhe në cilat kushte mund të ndodhë kjo,” kanë shpjeguar ekspertët.
Burimi:NPR, The Guardian/Përktheu:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
