.png)
Nga Gazeta ‘Si’-Marrëveshjet e së ardhmes së naftës së papërpunuar Brent u rritën të premten(24 nëntor) duke rikthyer pjesërisht humbjet nga sesioni i mëparshëm pasi tregtarët spekuluan nëse grupi i prodhuesve OPEC + do të arrinte një marrëveshje për shkurtime të mëtejshme të furnizimit.
Kontratat e së ardhmes së naftës së papërpunuar Brent u rritën me 19 cent, ose 0.23%, në 81.61 dollarë.
Kontratat janë në rrugën e duhur për rritje mbështetur nga pritshmëritë që OPEC+, i udhëhequr nga Arabia Saudite, mund të zvogëlojë ofertën për të balancuar tregun në vitin 2024.
OPEC bashkë me aleatët befasuan tregun me një njoftim të mërkurën se do të shtynin një takim ministror me katër ditë deri në 30 nëntor, pasi prodhuesit luftuan për të arritur një konsensus mbi nivelet e prodhimit.
Prodhuesit, sidomos 3 vende afrikane, po përpiqen për të rënë dakord mbi nivelet e prodhimit dhe për rrjedhojë reduktimet e mundshme përpara takimit, thanë burimet e OPEC +. Sipas analistëve Angola, Kongo dhe Nigeria po kërkojnë të rrisin kuotat e tyre të furnizimit për vitin 2024, mbi nivelet e përkohshme të rënë dakord në takimin e OPEC+ të qershorit.
Analistët shprehen se debatet e brendshme janë shuar në mënyrë efektive në të kaluarën, por episodi i fundit nxjerr në pah detyrën e vështirë që duhet të përmbushë karteli. Për rrjedhojë, çmimet do të karakterizohen nga paqëndrueshmëria, në një hapësirë prej 10 dollarësh, të paktën deri kur do të zhvillohet takimi i organizatës dhe aleatëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
