Gazeta Si – Komiteti Ekzekutiv pranë FSHF-së ka zhvilluar sot mbledhjen e radhës, ku ka marrë disa vendime para nisjes së sezonit të ri. Vendimet kanë të bëjnë me rregulloret e kompeticioneve dhe me disa investime në infrastrukturë.
Një vendim interesant është ai që ka të bëjë me nxitjen e klubeve për aktivizimin e lojtarëve të rinj. Është propozuar të krijohet një sistem financiar nxitjeje për klubet e Kategorisë së Parë, saktësisht për lojtarët nga 16 deri në 21 vjeç.
Propozimi u miratua menjëherë dhe pritet të ketë impakt të rëndësishëm në promovimin e të rinjve.
Në mbledhjen e KE-së u miratua vendimi për ndërtimin e 3 fushave me bar artificial në ‘Kompleksin Zmijani’ në Shkodër. Po ashtu, janë miratuar shtesa investimesh në stadiumin e ri të Partizanit dhe të Kukësit.
Gjatë mbledhjes është bërë edhe informimi nga komisioni i ekspertëve sa i takon shitjes të së drejtës televizive të Superiores, Kupës së Shqipërisë, Superkupës së Shqipërisë dhe Kategorisë së Parë. Tani do të ndiqen hapat e tjerë për finalizimin e procesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
