.png)
Nëse nuk arrijmë të mbajmë objektivin klimatik të vendosur nga Marrëveshja e Parisit, ne mund të jetojmë në një botë që është mesatarisht 2 gradë Celsius më e nxehtë se nivelet paraindustriale deri në fund të këtij shekulli, dhe madje edhe atëherë, do të ketë shumë më pak vende për të jetuar të qetë në këtë planet që e quajmë shtëpi.
Temperatura mesatare globale tashmë është rritur me 1.5 °C mbi nivelet paraindustriale. Ne arritëm këtë moment historik të zymtë vetëm vitin e kaluar.
Tani shkencëtarët raportojnë se shtimi i 0,5°C nxehtësi shtesë në mesataren globale do të trefishojë sipërfaqen e tokës shumë të nxehtë që edhe një njeri i rritur i shëndetshëm nuk do të mund të banojë.
“Gjetjet tona tregojnë pasojat potencialisht vdekjeprurëse nëse ngrohja globale arrin 2 °C. Është diçka për të cilën duhet të përgatitemi,” thotë shkencëtari i klimës Tom Matthews nga King’s College në Londër.
Ai thotë se nëse këto parashikime dalin, i bie që vetëm rajonet më të ftohta do mbeten të paprekura.
Edhe në gjendjen tonë më të shëndetshme, këto nivele do të ishin në mos fatale, problematike.
Përtej kësaj, ka nxehtësi ‘të pakompensueshme’, ku ka më shumë nxehtësi që shkon në trupin tuaj sesa mund të mbajnë mekanizmat për të stabilizuar temperaturën e brendshme.
Pastaj ka nxehtësi të pambijetueshme, e cila është e mjaftueshme për t’ju vrarë. Në këtë studim, u përcaktua si temperatura bazë e trupit, zakonisht 37 °C arrin 42 °C në gjashtë orë ose më pak. Me ngrohjen 2°C mbi nivelet paraindustriale, kufijtë e të pambijetueshmes do të prekin personat mbi 60 vjeç.
Të rriturit mbi 60 vjeç mund të përjetojnë nxehtësi të pakompensueshme në 60 për qind të sipërfaqes së Tokës, dhe nxehtësia e pambijetueshme bëhet një rrezik për njerëzit e çdo moshe.
*Hulumtimi u botua në Nature Reviews Earth and Environment.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
