Nga Gazeta 'Si'-Duke sfiduar kritikat ndërkombëtare, forcat e armatosura izraelite vazhduan sulmin e tyre në Rafah sot pasi njoftuan dje se kishin marrë kontrollin e një zone mbrojtëse strategjike të rëndësishme përgjatë kufirit të Rripit të Gazës dhe Egjiptit, jo shumë larg qytetit që është konvertuar tani në kryefjalë të luftës me Hamasin.
Natën e së mërkurës deri të enjten, Gjysmëhëna e Kuqe Palestineze denoncoi vdekjen e dy prej punëtorëve të saj në një “goditje të drejtpërdrejtë” nga ushtria izraelite kundër ambulancës së saj në sektorin perëndimor të Rafah-s.
Në të njëjtën kohë, ushtria izraelite dislokoi forca në qytete të ndryshme në Bregun Perëndimor të pushtuar, pas një “sulmi me makinë” mbrëmë, i cili mori jetën e dy izraelitëve në Nablus. Fillimisht ushtria tha thjesht se ishin “dy civilë izraelitë”, për të sqaruar më vonë se viktimat ishin njëzet ushtarë të brigadës Kfir.
Israeli tanks advanced to the heart of Rafah for the first time, pressing its offensive in Gaza's southern city despite international condemnation of an attack that sparked a blaze in a tent camp for the displaced, killing at least 45 people https://t.co/eysSjEXext pic.twitter.com/7DIn9PhrfQ
— Reuters (@Reuters) May 28, 2024
Sipas Autoritetit Palestinez, të paktën 519 palestinezë janë vrarë në Bregun Perëndimor që nga shpërthimi i luftës në Gaza në operacionet e ushtrisë izraelite dhe sulmet e kolonëve. Ndërsa në anën izraelite, 14 persona, përfshirë dy ushtarët, janë vrarë në të njëjtën periudhë, sipas një raporti të AFP-së bazuar në njoftimet zyrtare.
Në Gaza, ushtria izraelite tha se kishte gjetur rreth “njëzet tunele nëntokësore” në zonën kufitare, të cilat sipas saj po përdoreshin për kontrabandën e grupeve të armatosura në enklavën palestineze. Qeveria egjiptiane ka mohuar ekzistencën e tuneleve nën kufi.
Kajro ka theksuar se me këtë pretendim Izraeli po përpiqet të justifikojë sulmin e tij në Rafah. Pavarësisht zemërimit dhe protestës ndërkombëtare pas bombardimit vdekjeprurës të një kampi të personave të zhvendosur në Rafah të dielën, ushtria izraelite po vazhdon operacionet tokësore që nisi më 7 maj për të eliminuar, siç thotë ajo, radhët e fundit të krahut ushtarak të Hamasit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
