Gazeta Si – Në Vlorë dhe Fier janë hapur dy vatra zjarri, të favorizuara nga temperaturat e larta që kanë pushtuar vendin tonë këto ditë.
Zjarret në fillim kanë rënë në kodrat e Radhimës dhe Tragjasit në Vlorë, më pas edhe në Peshtan të Fierit. Punonjësit zjarrfikës janë angazhaur në terren për shuarjen e flakëve, por është shumë e vështirë, sepse flakët ndihmohen edhe nga era.
Në Peshtan të Fierit, në ndihmë të efektivëve zjarrfikës, që kanë lokalizuar zjarrin në një terren të vështirë, ka shkuar edhe një helikopter ‘Cougar’.
Ministri i Mbrojtjes, Niko Peleshi, ka publikuar pamjet, ku helikopteri po punon për shuarjen e zjarrit. Ai bën thirrje ndërkohë që qytetarët të jenë sa më të kujdesshëm dhe të raportojnë në kohë vatrat e zjarrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
