Sipas një studimi të ri, vaksinimi kundër COVID-19 mund të lidhet me zgjatjen e ciklit menstrual për disa gra.
Gjetjet janë nxjerrë nga 3,858 infermiere femra në Shtetet e Bashkuara dhe Kanada, të cilat kanë plotësuar pyetësorët për periodat e tyre dy herë në vit që nga viti 2011.
Që nga dhjetori 2021, 91% e tyre ishin vaksinuar kundër koronavirusit. Para pandemisë, 15% raportuan cikle të parregullta; që u rrit në 22.7% në vitin 2021, raportuan studiuesit në Gazetën Amerikane të Obstetrikës dhe Gjinekologjisë.
Gratë e vaksinuara kishin një rrezik 54% më të lartë të rritjes së kohës së ciklit në krahasim me gratë e pavaksinuara, pavarësisht nga lloji i vaksinës. Gjithashtu duke përjashtuar faktorë të tjerë shëndetësore dhe stresin nga pandemia.
Në analizë më të afërt, vaksinimi u shoqërua vetëm me ndryshimin e cikleve më të gjata në gjashtë muajt e parë pas vaksinimit.
Studiuesit bëjnë thirrje për monitorimin e shëndetit seksual pas vaksinave dhe se duhen të dhëna të tjera për të qenë më të qartë në ndikimin e vaksinave në shëndetin riprodhues.
Burimi: Reuters/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
