Gazeta Si – Granada afrohet me kreun e renditjes në Segunda Divizion, falë një goli të Myrto Uzunit. Sulmuesi beratas shënoi me penallti në pjesën e dytë golin e vetëm ndaj Kartagjenës së Armando Sadikut, duke fituar kështu 1-0 derbin me sulmuesin tjetër shqiptar.
Të dy lojtarët e nisën këtë ndeshje titullarë. Në fund fati i buzëqeshi Uzunit, që me golat e tij po e udhëheq Granadën drejt objektivit për rikthimin në La Liga. Për momentin, ai është edhe sulmuesi më në formë i Kombëtares.
Një tjetër derbi shqiptarësh u luajt sot në Itali. Lacio-Empoli përfundoi në barazim 2-2, me Ismajlin dhe Bajramin që arritën të merrnin një pikë në një ndeshje që u duk e humbur, sepse Lacio kryesonte 2-0, por u barazua në shtesë.
Vetëm Ismajli ishte në fushë nga minuta e parë. Ai luajti ndeshjen e 50-të në Serinë A. Hysaj u aktivizua në pjesën e dytë dhe ishte ndër më të dobëtit për skuadrën e tij, duke u vlerësuar me notën 5. Edhe Bajrami u aktivizua në fundin e ndeshjes dhe u vlerësua me notën 6, ashtu si Ismajli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
