Në shumë vende të botës, për superticion ose thjeshtë mit, ka një listë me ushqime që shërbejnë si ogur i mirë si dhe ushqime që nuk duhet të jenë pjesë e tavolinës në darkën e fundvitit pikërisht sepse besohet se sjellin fat të keq. Këtu është një listë me këto ushqime.
Rrushi
Tashmë është bërë traditë në shumë vende të botës se 12 kokrra rrushi mund të sjellin fat. Spanjollët konsumojnë 12 kokrra rrush para mesnatës- një kokërr rrush për çdo muaj.
Kjo traditë daton që në vitin 1909, kur vreshtarët e zonës Alicante ne Spanjë e nisën këtë praktikë pas një viti të bollshëm me rrush.
Çdo kokërr rrushi përfaqëson një muaj, kështu nëse kokrra e tretë përshembull iu rastis e thartë, Marsi mund të jetë një muaj i vështirë.
Për pjesën më të madhe, synimi është që të gjithë kokrrat e rrushit të konsumohen në më pak se 12 sekonda, para se akrepat të shënojnë orën 00.00, por Peruanët këmbëngulin që të konsumohet edhe kokrra e 13-të, që të ketë një ‘bonus’.
Bishtajoret
Askush nuk e mendon se bishtajoret, duke përfshirë këtu fasulet, bizelet dhe thjerrëzat janë gjithashtu simbol i parasë.
Kokrrat e tyre ngjasojnë disi me monedhat dhe kur gatuhen fryhen, duke na dhënë idenë e një rritje financiare. Thënë kjo, në tavolinë është mirë që të mos mungojnë fasulet apo thjerrëzat.
Jeshillëqe për të tërhequr paranë
Jeshillëqet, duke përfshirë këtu jo vetëm sallatën jeshile, rukolën por dhe lakrën konsumohen në shumë vende në natën e Vitit të Ri, edhe këto për një ekonomi më të mirë.
Dhe lidhja bëhet shumë thjeshtë- gjethet e tyre jeshile duken si para të palosura, ndaj dhe janë simbol i prosperitetit ekonomik.
Mish derri
Zakoni i të ngrënit mish derri në Vitin e Ri bazohet në idenë që derri simbolizon progres.
Mishi i derrit të pjekur shërbehet për Vitin e Ri në Kubë, Spanjë, Portugali, Hungari dhe Austri, ku këta të fundit madje dhe e dekorojnë tavolinën me derra të bërë me brumë.
Peshku
Në shumë vende të botës, peshku krahasohet dhe me gjelin e detit të Krishtlindjeve.
Arsyeja? Shumë kohë para se frigoriferi dhe transporti urban të ekzistonin, merluci mund të rezervohej dhe të transportohej duke bërë të mundur që të shkonte deri në Mesdhe apo akoma më larg në Afrikën Veriore dhe në Karaibe.
Embëlsira të ndryshme
Sigurisht nuk mund të mungojnë as ëmbëlsirat, për një vit më të ëmbël dhe më të mirë. Keku dhe ëmbëlsira të ndryshme janë tipike për festat e fundvitit në të gjithë botën, kryesisht në formë të rrumbullakët ose unaze, që fati juaj të qarkullojë në Vitin e Ri.
Por, përveç ushqimeve që sjellin fat, ka dhe ushqime që nuk sjellin fat, ose për personat që janë shumë supersticiozë, duhet t’i lexojnë me vemendje.
Qëndroni larg ushqimit me krahë
Krahët e pulës nuk janë ushqimet e duhura për t’u konsumuar në festat e Vitit të Ri. Sigurohuni që fati të mos ju fluturojë këtë fundvit. Pulat janë një zgjedhje e mirë për t’u ngrënë gjatë gjithë vitit, por ju mund të bëni pa to, për një natë.
Ushqimet me ngjyrë të bardhë
Ka shumë ushqime shumëngjyrëshe që janë fat për Vitin e Ri, si zarzavatet, të cilat ngjyrat e gjelbra dhe ato të arta simbolizojnë respektivisht pasurinë dhe prosperitetin. Portokallet dhe mandarinat janë një tjetër bukuri e artë fati, dhe dhurimi, ekspozimi ose ngrënia e tyre në Kinë do të thotë se viti juaj përpara do të jetë plot fat, sukses dhe para.
Kur grumbulloni ushqimet më me fat në pjatën tuaj të Vitit të Ri, shmangni çdo gjë të bardhë, si të bardhat e vezëve, orizin dhe bukën, përveç nëse buka shërbehet e rrumbullakët. Besëtytnitë që rrethojnë ushqimet e bardha rrjedhin nga kultura kineze, ku e bardha përfaqëson vdekjen, zinë dhe fatin e keq. Kinezët gjithashtu veshin të bardhë në funerale, prej nga vjen lidhja me vdekjen. Nëse dëshironi të keni një vit të ri me fat dhe të gjallë, është më mirë të shmangni ushqimet e bardha me çdo kusht, me përjashtim të lakër turshi, e cila është e popullarizuar në mesin e holandezëve të Pensilvanisë dhe konsiderohet me fat në natën e Vitit të Ri, veçanërisht kur shoqërohet me mish derri.
Mos përdorni majdanozin
Nëse dikush i preferon bimët e freskëta, lëreni mënjanë majdanozin, sepse edhe pse ju duket e pazakontë, do t’ju ndjekë fati i keq.
Mos e mbaroni të gjithë pjatën
Çfarëdo që të hani atë darkë, nuk duhet ta mbaroni të gjithë pjatën. Besohet se nëse lini diçka në pjatë gjatë natës së Vitit të Ri, atëherë vitin e ardhshëm ju do të keni më shumë bollëk.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
