.png)
Gazeta Si – Kualifikohen për në 1/8-at e Us Open kokat e serive, big-ët e turneut amerikan. Në tabelën e meshkujve, Rafael Nadal kaloi me lehtë nga sa mendohej francezin Gasket, me rezultatin 6-0, 6-1 dhe 7-5.
Kundërshtari i radhës për tenistin spanjoll do të jetë amerikani Tiafoe, i cili surprizoi në tre sete argjentinasin Shvartzman.
Pak më të vështirë e pati Marin Çiliç, të cilit iu deshën 4 sete për të eliminuar Evans. Kampioni i Nju Jorkut në 2014-ën e mposhti britanikun 7-6, 6-7, 6-2 dhe 7-5. Kroatin e pret tashmë në turin tjetër spanjolli Karlos Alkaraz.
Te femrat kanë avancuar favoritet për fitimin e Us Open. Në çimenton e Nju Jorkut, numri 1 në botë Iga Shviatek kaloi në fazën e 1/8-ve pas një fitoreje të lehtë 6-3 dhe 6-4 ndaj amerikanes Davis. Tani do të përballet me gjermanen Niemeier.
Iga Swiatek is into the second week of the #USOpen in back-to-back years! pic.twitter.com/vrGdnZyS0M
— US Open Tennis (@usopen) September 4, 2022
Janë kualifikuar edhe çekja Pliskova, pas fitores 5-7, 6-4 dhe 6-3 ndaj Bençiç, si dhe bjellorusja Sabalenka, pas fitores së pastër 6-0 dhe 6-2 ndaj francezes Burel.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
