.png)
Adele ka folur kundër trendit të fundit të fansave që hedhin objekte mbi muzikantët në skenë, duke i thënë audiencës së saj se do t’i vriste nëse ata do të përpiqeshin.
Këngëtarja britanike u filmua duke mbajtur një pistoletë me topa teksa fliste me audiencën në Caesars Palace, ku po performonte Weekends With Adele në rezidencën e saj në Las Vegas.
“A e keni vënë re se si njerëzit po harrojnë etiketën e shfaqjes në këtë moment?”
Ndërsa vazhdoi: “Duke hedhur sende në skenë, i keni parë? Unë guxoj, guxoni të më hidhni diçka mua dhe unë do ju vras”.
Më pas ajo mori në shënjestër me një pistoletë me topa dhe u drejtua nga turma përpara se t’iu thoshte atyre që mos t’i hidhnin gjërat artistes, më pas filloi të qeshte duke thënë se ajo ‘mund të gjuante gjëra ndaj audiencës’.
Javën e kaluar, Pink ndërpreu një performancë në Londër për t’iu drejtuar një fanseje që hodhi një thes me hirin e nënës së saj në skenë. “Kjo është nëna juaj?” këngëtarja amerikane dëgjohet duke pyetur në pamjet e ngjarjes.
“Nuk e di se si ndihem për këtë”.
Gjithashtu javën e kaluar, këngëtarja amerikane e pop-it, Kelsea Ballerini, u godit në fytyrë nga një objekt gjatë një performance në Idaho.
“Nëse ndonjëherë nuk ndiheni të sigurt, ju lutemi njoftoni dikë përreth jush”, tha Ballerini në skenë më pas.
Muajin e kaluar këngëtarja e muzikës pop, Bebe Rexha, u godit në fytyrë nga një telefon i hedhur nga një audiencë në një koncert në New York City, duke e lënë atë me sy të zi. Një 27-vjeçar u arrestua më vonë dhe u akuzua për sulm.
Një ditë më vonë, një person vrapoi në skenë gjatë një shfaqjeje të Ava Max në Los Anxhelos, duke e goditur këngëtaren aq fort sa ai “i gërvishti pjesën e brendshme të syrit”, sipas postimit të saj në Twitter.
Vitin e kaluar, Steve Lacy theu një iPhone që u hodh nga një fans në skenë, ndërsa Lady Gaga u vu në shënjestër nga një pjesëtare e audiencës që i hodhi një kukull teksa ajo performonte në Toronto. /The Guardian/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
