Bordi i Transparencës ka vendosur të ulë me 2 lekë çmimin e naftës, duke e çuar atë në 221 lekë për litër, nga 223 që u vendos ditën e protestës më 12 nëntor.
Po ashtu është ulur me 5 lekë edhe çmimi i benzinës, që në tregun e shitjes me pakicë do të kushtojë 204 lekë litri.
Ndërsa çmimi i shitjes me pakicë i nënproduktit gaz, do të jetë 73 lekë/litri me pakicë dhe i shitjes me shumicë 61 lekë/litër për automjetet, ndërsa për peshkim është vendosur 127 lekë/litër.
Sipas njoftimit të Bordit të Transparencës, çmimet e caktuara nga Bordi do të hynë në fuqi në datë 17 Nëntor, ora 12.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
