Sipas vendimit të ri të Bordit të Transparencës, nafta me pakicë në vend do të tregtohet 237lekë/litri nga 243 lekë për litër që tregtohej më parë .
Sakaq, çmimi i shitjes me pakicë i gazit do të jetë 100 lekë/litri me pakicë dhe i shitjes me shumicë 88 lekë/litër për automjetet ndërsa çmimi i shitjes me pakicë i benzinës do të jetë 227 lekë/litri.
Çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën.
Këto çmime do të jenë të vlefshme deri në mbledhjen e radhës së Bordit të Transparencës, i cili është ngritur për të kontrolluar tregun e çmimeve ndikuar nga kriza ekonomike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
