.png)
Gazeta Si – “Masat e marra nga qeveria për të hyrë në Mbretërinë e Bashkuar nuk e përfshijnë vaksinimin e detyruar”. Uimbëlldoni hap kështu dyert për të pavaksinuarit. Sipas deklaratës së administratorit të “All England Lawn Tennis Club”, Sally Bolton, tenistët e pavaksinuar ndaj Covid-19 mund të marrin pjesë në turneun që nis më 27 qershor.
“Edhe pse ne e inkurajojmë vaksinimin, ai nuk është një kusht për pjesëmarrjen”, – ka shtuar Bolton. Një lajm domethënës për numrin 1 në botë, Novak Gjokoviç. Serbi, duke qenë i pavaksinuar, në fillim të vitit humbi Australian Open, kurse në muajin mars edhe turneun amerikan.
Ashtu siç u paralajmërua javën e kaluar, pjesëmarrja në turneun e Uimbëlldonit u është ndaluar tenistëve rusë dhe bjellorusë. Ian Hewitt, president i “All England Lawn Tennis and Croquet Club’, ka shpjeguar: “Qeveria britanike e ka përcaktuar qartë linjën në lidhje me eventet sportive në Britaninë e Madhe, me objektivin për të limituar influencën ruse.
Kemi ndjekur këtë linjë, sepse jemi një turne i nivelit të lartë dhe një institucion në fushën e sportit. Kemi parë me kujdes të gjitha opsionet e mundshme, duke përfshirë edhe atë të deklarimit kundër luftës dhe qeverisë ruse, por kjo do të sillte rrezik për lojtarët dhe familjet e tyre”.
Vendimet e fundit kanë ngjallur diskutime dhe reagime brenda komunitetit tenistik, duke nisur nga Andrei Rublev, moskovitit numër 8 në renditjen botërore. Ai e ka konsideruar diskriminuese zgjedhjen e organizatorëve të turneut britanik. Edhe Gjokoviç ka thënë se është një vendim ‘i çmendur’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
