.png)
Nuk shënoi gol dhe as gjuajti penallti në fund, por Granit Xhaka, sipas UEFA-s, ishte lojtari më i mirë në fushë i ndeshjes Zvicër-Francë, ku zviceranët arritën një kualifikim historik, duke shkuar në çerekfinale të Europianit dhe duke eliminuar Francën kampione bote.
Xhaka luajti 120 minuta dhe ishte frymëzues i skuadrës së tij. Ai dha pasimin e saktë për Gavranoviç në minutën e fundit të ndeshjes, por jo vetëm kaq. Mesfushori që kërkohet me ngulm nga Mourinjo te Roma, bëri plotësisht rolin e liderit te Zvicra, duke u vlerësuar më shumë se Benzema e Pogba, por edhe se Seferoviç, që shënoi 2 gola.
Xherdan Shaqiri nuk ishte në një ditë të mirë këtë herë dhe u ndërrua në pjesën e dytë. Si zëvendësues u aktivizua shqiptari tjetër, Admir Mehmedi, i cili gjuajti një nga 5 penalltitë e Zvicrës, atë të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
