Gazeta Si – Gllasgou Rejnxhërs-Napoli duhej të luhej të martën sipas programit të Ligës së Kampionëve, por u shty me një ditë për shkak të zisë për vdekjen e mbretëreshës Elisabeth.
Klubi skocez në fakt ka pasur edhe kërkesa të tjera, siç është ekzekutimi i himnit britanik para ndeshjes me Napolin. Por UEFA, sipas asaj që bën me dije ‘Daily Mail’, e ka hedhur poshtë këtë kërkesë të Gllasgou Rejnxhërs.
Në anën tjetër, institucioni që drejton futbollin europian ka dhënë lejen për shiritin e zi në krah, për nder të mbretëreshës Elisabeth. Po ashtu, është miratuar edhe kërkesa për të mos ekzekutuar himnin e Ligës së Kampionëve për këtë ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
