.png)
Gazeta Si – Duke nisur nga vitit 2024, ‘Topi i Artë’ do të ketë një organizator të ri. Bashkë me ‘Groupe Amaury’, pronar i kompanive mediatike ‘France Football’ dhe ‘L'Équipe’, do të futet edhe UEFA në kabinën e regjisë për çmimin prestigjioz.
Mënyra e votimit dhe kontrolli për këtë të fundit mbetet në duart e gazetës franceze, ndërsa e drejta komerciale dhe organizimi i mbrëmjes gala do të drejtohen nga organizata me seli në Nion.
"Për gati 70 vjet, ‘Topi i Artë’ ka qenë çmimi më i madh individual në botën e futbollit. Është një dëshmi e jashtëzakonshme e impaktit të legjendave të futbollit në këtë sport, - ka shpjeguar presidenti i UEFA-s, Aleksander Ceferin.
– Kompeticionet e UEFA-s për klube dhe kombëtare, si Championsi dhe Europiani, janë skenat më të rëndësishme në nivel botëror për lojtarët e elitës. UEFA dhe ‘Topi i Artë’ janë sinonime të shkëlqimit sportiv, kështu që bashkëpunimi ynë do të jetë një miksim natyral”.
"’Topi i Artë’ është çmimi i ëndrrave për lojtarët më të mëdhenj të botës, - ka pohuar Jean-Étienne Amaury, administrator i ‘Groupe Amaury’. – Duam ta bëjmë ceremoninë e ‘Topit të Artë’ një event globale për të frymëzuar gjithë lojtarët”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
