.png)
Gazeta Si – Një 28 vjeçar, Aleksandër Matoja, i dyshuar si anëtar i një grupi kriminal, është arrestuar gjatë një aksioni të zhvilluar mbrëmjen e të enjtes në zonën e Alliasit në Tiranë.
I riu me precedentë penalë akuzohet se u shiste armë zjarri personave të ndryshëm që synonin të kryenin krime. Matoja, me banim në Shkodër, dyshohet se është pjesë e një grupi kriminal në kryeqendrën e veriut.
Gjatë kontrollit në automjetin me të cilin lëvizte, policia gjeti dy armë zjarri të llojit pistoletë, të cilat dyshohet se do ua shiste personave që kishin në plan të kryenin krime të ndryshme.
Sipas burimeve hetimore, armët e zjarrit që u sekuestruan në makinën e 28-vjeçarit, dyshohet se kishin ardhur nga Turqia dhe ishin destinuar për t’u shitur në Tiranë me çmim 3.500 euro secila.
Gjithnjë sipas burimeve, dyshohet se blerësit ishin anëtarë të një grupi kriminal aktiv në zonën e Freskut, të përfshirë në ngjarje të rënda kriminale.
Matoja ka qenë më parë i dënuar për shitje të lëndëve narkotike, si pjesë e një grupi të strukturuar kriminal në Shkodër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
