Një i moshuar ka humbur jetën sot në Shkodër pas u mbyt në lumin Buna, ndërsa policia ka arritur që pas më shumë se 5 orësh kërkime të gjejë kufomën.
Mësohet se trupi i 75-vjeçarit N. Ç. u konstatua pa shenja dhune pasi u gjet nga polumbarët.
"Pas më shumë se 5 orësh kërkime të pandërprera, shërbimet e Komisariatit të Policisë Shkodër gjetën në rrjedhën e lumit Buna, trupin e pajetë të 75-vjeçarit, i cili nga këqyrja, u konstatua pa shenja dhune", thuhet në njoftimin e policisë.
Ndërkohë trupi i pajetë i shtetasit N. Ç. u dërgua në IML, për kryerjen e ekzaminimeve të mëtejshme.
Policia thotë se vijojnë hetimet për të dokumentuar me prova ligjore rrethanat e kësaj ngjarjeje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.