.png)
Gazeta Si – Gjykata e Posaçme ka pushuar çështjen ndaj kryebashkiakut të Lezhës, Pjerin Ndreu, i cili u hetua nga SPAK për shpërdorim detyre.
Kërkesën për pushimin e hetimeve e bëri vetë Prokuroria e Posaçme, pasi argumentoi se nuk ishin gjetur shkelje të kryera nga Ndreu.
Kreu i Bashkisë së Lezhës u kallëzua nga Partia Demokratike në vitin 2023 lidhur me ndërtimin e rrugës Lezhë-Shëngjin, ku pretendohej se ndërhyrja është bërë në kundërshtim me ligjin pasi vendi ishte në periudhë elektorale për zgjedhjet lokale të 14 majit.
Madje PD pretendonte se edhe ARRSH i kishte dërguar shkresë Ndreut për ndalimin e punimeve, pasi ishte nën juridiksionin e këtij institucioni të kryente punimet.
Por kryebashkiaku i Lezhës, Pjerin Ndreu paraqiti në SPAK raporte me anë të të cilave argumentoi ndërhyrjen në rrugë për shkak të problematikave dhe ankesave të qytetarëve si pasojë e numrit të lartë të aksidenteve.
Brenda pak ditësh, Ndreu është kryebashkiaku i dytë socialist që shpallet i pafajshëm nga GJKKO, pasi më herët u pushua çështja edhe për kryebashkiakun e Libohovës, Leonard Hide, i cili akuzoherj se kishte lejuar kultivimin e parcelave me kanabis kur ishte shef komisariati.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
